« ԵՍ ԵՄ ՓՐԿՈՒԹՅԱՆ ԶԱՏԻԿԸ »

Ա Ա Ա

ՄԵՂԻԹՈՆԵՍ ՍԱՐԴԻԱՑԻ, Զատկական ճառ, 96; 100-103 (SC 123, pp. 116, 120, 122).

[...] Նա, ով երկիրը կախեց [տիեզերքի անհունության մեջ], կախվել է [խաչից].

Նա, ով երկինքները գամեց, գամվել է:

Նա, ով տիեզերքը հաստատեց, բևեռվել է փայտին,

Աստված սպանվել է: [...]

Աստված զգեստավորվել է մարդկային բնությամբ,

տառապել է իմ՝ տառապյալիս համար,

դատապարտվածի կողմից դատվել է,

թաղվածի ձեռքով թաղվել է:

Բայց մեռելներից հարություն է առել

և բարձր ձայնով ասում է.

Ո՞վ կխոսի իմ դեմ: Դատապարտվածին ազատեցի,

մեռածին վերստին կյանք տվեցի,

թաղվածին կրկին ոտքի եմ կանգնեցնում:

Ո՞վ կբողոքի իմ դեմ: Մահը ջնջեցի,

դժոխքը ջախջախեցի,

մարդկությունը բարձրացրեցի մինչև ամենաբարձր երկինքները,

այո՛, ես՝ Քրիստոսս:

[...] Ես եմ ձեր ներումը,

Ես եմ փրկության Զատիկը,

ձեր լույսն եմ,

ձեր հարությունը: [...]

Կայքին օգնելու համար կարող եք դիտել / ունկնդրել այս տեսանյութը։

Շնորհակալություն կանխավ։