« ԱՍՏՎԱԾ ԵՐԲԵՔ ՉԻ ԼՔՈՒՄ ԱՐԴԱՐՆԵՐԻՆ, ՄԻՆՉ ՉԱՐԱԳՈՐԾՆԵՐՆ ԱՆՈՒՆ ՉՈՒՆԵՆ »
- 01
- 02
- 03
- 04
- 05
- 06
- 07
- 08
- 09
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
2015թ. Հոկտ. 8, Ռադիո Վատիկանի լուրերից
«Աստված երբեք չի լքում արդարներին, մինչ նրանք, ովքեր չարիք են սերմանում, անհայտ ու անծանոթ գոյություններ են, որոնց անունը Երկնքում մոռացված է». այս ուսուցումն է ավետարանական հատվածի ընթերցումից քաղել Սրբազան Քահանայապետը Սբ. Մարթա Հյուրատան մատռան մեջ մատուցված առավոտյան Սբ. Պատարագի ժամանակ։
Մի քաջարի մայր, որ ունի ամուսին և երեք զավակ, 40 տարեկանը չբոլորած՝ անկողնին է գամվում չարորակ քաղցկեղով։ « Ինչո՞ւ »։
Մի տարեց կին, որ ապրում է աղոթքն իր սրտում, և որի տղան սպանվում է մաֆիայի ձեռքով։ « Ինչո՞ւ »։
Ինչո՞ւ են չարագործները հաջողություն գտնում
Քահանայապետի ձայնն արձագանքում է այն մեծագույն հարցադրմանը, որն երկսայր թրի նման խոցում է բազմաթիվ մարդկանց մտքերն ու սրտերը, որոնց համոզված, արմատավորված հավատքը խիստ փորձության է ենթարկվում կյանքի ողբերգությունների դիմաց։ Ինչո՞ւ է տեղի ունենում այդ ամենը։ «Ի՞նչ շահեցինք Աստծո պատվիրանների պահպանումից, մինչ գոռոզները, չարիք գործելով, շատանում են, և Աստծո դեմ գործելով հանդերձ՝ մնում են անպատիժ». սա այն աղաղակն է, որ Ֆրանցիսկոս Պապը քաղում է Մաղաքիա Մարգարեի գրությունից։
«Քանի՜ անգամներ մենք տեսնում ենք սա չար մարդկանց պարագային, մարդիկ, որ չարիք են գործում, և սակայն թվում է, որ կյանքում իրենց մոտ ամեն բան կարգին է. երջանիկ են, ունեն այն ամենն, ինչ ցանկանում են, նրանց ոչինչ չի պակասում։ Ինչո՞ւ, Տեր։ Բազմաթիվ «ինչո՞ւ»ներից մեկն է ... ։ Ինչո՞ւ դրան, որ աներեսի մեկն է, ում ոչինչ չի հետաքրքրում ո՛չ Աստծո, ո՛չ էլ մարդկանց վերաբերյալ, որ անարդար մեկն է, նաև չար, դրան ամեն բան հաջողվում է կյանքում, ունի ամեն ինչ, որ ցանկանում է, իսկ մենք, որ փափաքում ենք բարին գործել, բախվում ենք բազմաթիվ խնդիրների»։
Տերը հսկում է արդարների վրա
Այս «ինչո՞ւ»ների պատասխանը Սրբազան Քահանայապետը քաղում է այդ օրն ընթերցված Սաղմոսից, որը «Երանելի» է հռչակում այն մարդուն, «ով չի մասնակցում չարագործների խորհրդին» և «իր ուրախությունը գտնում է Տիրոջ օրենքի մեջ»։ Եվ բացատրում է.
«Այժմ չենք տեսնում պտուղները, արդյունքները այս մարդկանց, որ տառապում են, այս մարդկանց, որ կրում են խաչը, ինչպես որ Ավագ Ուրբաթ օրը և Ավագ Շաբաթ օրը տեսանելի չէին Աստծո խաչված Որդու, Նրա չարչարանքների արդյունքները»։
Տիրոջ օրենքին հետևող մարդու վերաբերյալ Սաղմոսը շարունակում է ասել. «Եվ այն ամենն, ինչ անի, հաջողվելու է»։ Իսկ ի՞նչ է ասում Սաղմոսը չարագործների մասին, նրանց մասին, որոնց վերաբերյալ մենք կարծում ենք, թե իրենց մոտ ամեն բան լավ է ընթանում։ «Այսպես չէ, այսպես չէ չարագործների պարագան, այլ նման են քամու կողմից շաղ տրված մրուրին։ Որովհետև Տերը հսկում է արդարների ընթացքի վրա, մինչ չարագործների ճանապարհը գնում է դեպի կորուստ»։
Սոսկ ածականներ են
Կորուստ, որը Ֆրանցիսկոս Պապն ընդգծում է՝ մեջբերելով աղքատ Ղազարոսի ավետարանական առակը, ուր Ղազարոսը ներկայանում է որպես անելանելի չքավորության մատնվածների խորհրդանշանը, և ուր խոսվում է այդ հարուստի մասին, որը Ղազարոսին մերժում էր մինչև իսկ այն փշրանքները, որոնք ընկնում էին իր սեղանից։
«Հետաքրքրական է նկատելը, որ Ավետարանը չի հիշում այդ մարդու անունը։ Նա սոսկ ածական է. մի ''հարուստ''։ Աստծո Հիշողության Գրքում չարագործներն անանուն են. մի չարագործ է, մի խարդախ խաբեբա, մի շահագործող ... ։ Անուն չունեն, լոկ ածականներ են։ Բոլոր նրանք, մինչդեռ, որ ջանում են ընթանալ Տիրոջ ճանապարհներով, լինելու են Նրա Որդու հետ, որն Անուն ունի. Հիսուս Փրկիչը»։
«Աստված երբեք չի լքում արդարներին, մինչ նրանք, ովքեր չարիք են սերմանում, անհայտ ու անծանոթ գոյություններ են, որոնց անունը Երկնքում մոռացված է». այս ուսուցումն է ավետարանական հատվածի ընթերցումից քաղել Սրբազան Քահանայապետը Սբ. Մարթա Հյուրատան մատռան մեջ մատուցված առավոտյան Սբ. Պատարագի ժամանակ։
Մի քաջարի մայր, որ ունի ամուսին և երեք զավակ, 40 տարեկանը չբոլորած՝ անկողնին է գամվում չարորակ քաղցկեղով։ « Ինչո՞ւ »։
Մի տարեց կին, որ ապրում է աղոթքն իր սրտում, և որի տղան սպանվում է մաֆիայի ձեռքով։ « Ինչո՞ւ »։
Ինչո՞ւ են չարագործները հաջողություն գտնում
Քահանայապետի ձայնն արձագանքում է այն մեծագույն հարցադրմանը, որն երկսայր թրի նման խոցում է բազմաթիվ մարդկանց մտքերն ու սրտերը, որոնց համոզված, արմատավորված հավատքը խիստ փորձության է ենթարկվում կյանքի ողբերգությունների դիմաց։ Ինչո՞ւ է տեղի ունենում այդ ամենը։ «Ի՞նչ շահեցինք Աստծո պատվիրանների պահպանումից, մինչ գոռոզները, չարիք գործելով, շատանում են, և Աստծո դեմ գործելով հանդերձ՝ մնում են անպատիժ». սա այն աղաղակն է, որ Ֆրանցիսկոս Պապը քաղում է Մաղաքիա Մարգարեի գրությունից։
«Քանի՜ անգամներ մենք տեսնում ենք սա չար մարդկանց պարագային, մարդիկ, որ չարիք են գործում, և սակայն թվում է, որ կյանքում իրենց մոտ ամեն բան կարգին է. երջանիկ են, ունեն այն ամենն, ինչ ցանկանում են, նրանց ոչինչ չի պակասում։ Ինչո՞ւ, Տեր։ Բազմաթիվ «ինչո՞ւ»ներից մեկն է ... ։ Ինչո՞ւ դրան, որ աներեսի մեկն է, ում ոչինչ չի հետաքրքրում ո՛չ Աստծո, ո՛չ էլ մարդկանց վերաբերյալ, որ անարդար մեկն է, նաև չար, դրան ամեն բան հաջողվում է կյանքում, ունի ամեն ինչ, որ ցանկանում է, իսկ մենք, որ փափաքում ենք բարին գործել, բախվում ենք բազմաթիվ խնդիրների»։
Տերը հսկում է արդարների վրա
Այս «ինչո՞ւ»ների պատասխանը Սրբազան Քահանայապետը քաղում է այդ օրն ընթերցված Սաղմոսից, որը «Երանելի» է հռչակում այն մարդուն, «ով չի մասնակցում չարագործների խորհրդին» և «իր ուրախությունը գտնում է Տիրոջ օրենքի մեջ»։ Եվ բացատրում է.
«Այժմ չենք տեսնում պտուղները, արդյունքները այս մարդկանց, որ տառապում են, այս մարդկանց, որ կրում են խաչը, ինչպես որ Ավագ Ուրբաթ օրը և Ավագ Շաբաթ օրը տեսանելի չէին Աստծո խաչված Որդու, Նրա չարչարանքների արդյունքները»։
Տիրոջ օրենքին հետևող մարդու վերաբերյալ Սաղմոսը շարունակում է ասել. «Եվ այն ամենն, ինչ անի, հաջողվելու է»։ Իսկ ի՞նչ է ասում Սաղմոսը չարագործների մասին, նրանց մասին, որոնց վերաբերյալ մենք կարծում ենք, թե իրենց մոտ ամեն բան լավ է ընթանում։ «Այսպես չէ, այսպես չէ չարագործների պարագան, այլ նման են քամու կողմից շաղ տրված մրուրին։ Որովհետև Տերը հսկում է արդարների ընթացքի վրա, մինչ չարագործների ճանապարհը գնում է դեպի կորուստ»։
Սոսկ ածականներ են
Կորուստ, որը Ֆրանցիսկոս Պապն ընդգծում է՝ մեջբերելով աղքատ Ղազարոսի ավետարանական առակը, ուր Ղազարոսը ներկայանում է որպես անելանելի չքավորության մատնվածների խորհրդանշանը, և ուր խոսվում է այդ հարուստի մասին, որը Ղազարոսին մերժում էր մինչև իսկ այն փշրանքները, որոնք ընկնում էին իր սեղանից։
«Հետաքրքրական է նկատելը, որ Ավետարանը չի հիշում այդ մարդու անունը։ Նա սոսկ ածական է. մի ''հարուստ''։ Աստծո Հիշողության Գրքում չարագործներն անանուն են. մի չարագործ է, մի խարդախ խաբեբա, մի շահագործող ... ։ Անուն չունեն, լոկ ածականներ են։ Բոլոր նրանք, մինչդեռ, որ ջանում են ընթանալ Տիրոջ ճանապարհներով, լինելու են Նրա Որդու հետ, որն Անուն ունի. Հիսուս Փրկիչը»։