Շարադրման վայրն ու թվականը
- 01
-
02
-
-
03
-
-
04
-
-
05
-
-
06
-
-
07
-
-
08
-
-
09
-
-
10
-
-
11
-
-
12
-
-
13
-
-
14
-
-
15
-
-
16
-
-
17
-
-
18
-
-
19
-
-
20
-
-
21
-
-
22
-
Հովհաննեսի Ավետարանի վերջնական շարադրումը սովորաբար թվագրվում է Առաջին դարի 90-ական թվականներին կամ Երկրորդ դարի առաջին տարիների ընթացքում: Որպես շարադրման վայր ավանդաբար մատնանշվում է Եփեսոսը, թեև շատերի կարծիքով կարող է գրված լինել Ասորիքի Անտիոք քաղաքում, մինչ ուրիշներ հակված են ընդունելու Եգիպտոսի Ալեքսանդրիա քաղաքի վարկածը:
Ուսումնասիրողների մի խումբ, սակայն, բավական համոզիչ փաստարկներով պնդում է, որ Հովհաննեսի Ավետարանի շարադրումը ևս, մյուս Ավետարանների նման, պետք է որ ավարտված լինի 70 թվականից առաջ: Դրա վերաբերյալ բազմաթիվ հուշումներ են գտնվում Ավետարանում, որոնցից, սոսկ մի քանի օրինակ մեջբերելու համար, կարող ենք հիշել հետևյալները. ա) Բեթհեզդայի ավազանը, կամարակապ հինգ սրահներով, պեղումների ժամանակ գտնվել է այնպես՝ ինչպես նկարագրված է 5, 2 տողում, ինչը որ նշանակում է, որ Ավետարանի շարադրման ժամանակ այն, Տաճարի հետ միասին, դեռ գոյություն ուներ. բ) Քարահատակի հիշատակումը 19, 13 տողում. գ) ճշգրտությունը, որով պատմում է հրեական տոնակատարություններն ու Հիսուսի խաչելությունը, ինչը որ ցույց է տալիս իր ականատես վկա լինելը. դ) Պաղեստինի աշխարհագրական բաժանումների ճշգրիտ հիշատակումը այնպես, ինչպես որ դրանք տակավին ուժի մեջ էին Հրեական Պատերազմից առաջ:
Այս և նման տվյալներն ի նկատի առնելով, խիստ հավանական է դառնում պնդումը, որ Հովհաննեսի Ավետարանը ևս շարադրվել է 70 թվականից առաջ, ամենայն հավանականությամբ՝ Առաջին դարի 60-ական թվականների երկրորդ կեսին: