Զգուշացեք Հուդայականությունից
Զ. – 1. Եթե ինչ որ մեկը ձեզ Հուդայականություն քարոզի, մի՛ լսեք նրան: Արդարև, ավելի լավ է թլփատված հրեայից լսել Քրիստոնեության մասին, քան թե անթլփատ մեկից՝ Հուդայականության մասին: Երկուսն էլ, համենայն դեպս, եթե չեն խոսում Հիսուս Քրիստոսի մասին, իմ համար դամբանաքարեր են և մեռյալների գերեզմաններ, որոնց վրա մարդկային անուններ են գրված պարզապես[1]:
2. Հեռու փախեք, ուստի, այս աշխարհի իշխանի հրապուրիչ հնարքներից ու ծուղակներից, որպեսզի նրա մտածելակերպի տակ չճնշվեք ու չտկարանաք սիրո մեջ: Այլ՝ ընդհակառակը. բոլորդ, անբաժան սրտով, դիմեք միության:
3. Գոհություն եմ հայտնում իմ Աստծուն, որ իմ խիղճը ձեր նկատմամբ մաքուր է և ոչ ոք չի կարող պարծենալով հաստատել, – ո՛չ ծածուկ կերպով, ո՛չ էլ հրապարակայնորեն, – թե ես բեռ եմ եղել ինչ որ մեկի համար, մեծ կամ փոքր չափով[2]: Բոլոր նրանց, ում հետ խոսել եմ, մաղթում եմ, որ իմ խոսքերը ձեռք չբերեն որպես իրենց իսկ դեմ հնչած վկայություն:
