Մարգարեները փրկվեցին Հիսուսին հավատալով
Ե. – 1. Եղբայրներ, հոգիս առատորեն լի է ձեր հանդեպ սիրով և սաստիկ ուրախությամբ ջանում եմ զորացնել ձեզ: Իրականում ո՛չ թե ես, այլ՝ Հիսուս Քրիստոսը: Թեև Նրա համար եմ ես շղթայված, այդուհանդերձ՝ է՛լ ավելի եմ երկյուղ զգում, քանի որ դեռ անկատար եմ: Բայց Աստծուն ուղղված ձեր աղոթքները կկատարելագործեն ինձ, որպեսզի կարողանամ հասնել այն ժառանգությանը, որն ինձ վերապահվել է ողորմությամբ, ապաստանելով Ավետարանի[1] մեջ, ինչպես Հիսուսի մարմնի, և Առաքյալների մեջ, ինչպես Եկեղեցու քահանայից դասի:
2. Սիրենք նաև Մարգարեներին[2], որովհետև նրանք ևս կանխավ քարոզեցին Ավետարանը, հուսացին Հիսուսին և սպասեցին Նրան: Այդպիսով, Նրան հավատալով, ստացան փրկությունը, միության մեջ լինելով Հիսուս Քրիստոսի հետ: Սիրո և հիացմունքի արժանի Սրբեր լինելով, վկայություն ստացան Հիսուս Քրիստոսից և դասվեցին ընդհանուր հույսի Ավետարանի մեջ: