Ե՞րբ է գրվել երկրորդ Ավետարանը
- 01
- 02
-
03
-
- Մարկոսը Հիսուսին տեսե՞լ է, թե՞ ո՛չ
- Երկրորդ Ավետարանը Առաջին և Երկրորդ դարերում տարածում ունեցող գիրք է եղել
- Երկրորդ Ավետարանի հեղինակը Մարկոսն է
- Ներքին փաստեր
- Երկրորդ Ավետարանը գրվել է հեթանոսությունից դարձի եկած քրիստոնյաների համար
- Երկրորդ Ավետարանի նպատակը
- Ե՞րբ է գրվել երկրորդ Ավետարանը
- Որտե՞ղ է գրվել երկրորդ Ավետարանը
- Մարկոսի Ավետարանի լեզուն և ոճը
-
- ա) «Բանավոր ավանդության» վարկած
- բ) Համատես Ավետարանների փոխադարձ կախումնավորության վարկած
- բ.1) Մարկոսն անկախ է Մատթեոսից և Ղուկասից
- բ.2) Մատթեոսն ու Ղուկասը փոխադարձաբար անկախ են
- բ.3) Մարկոսն ու Ղուկասը
- բ.3.1) Բացթողումները
- բ.3.2) Հավելումներ և հպումներ
- բ.3.3) Տեղափոխություններ
- բ.3.4) Կրկնակ նյութերի փաստը
- բ.4) Առարկություն Մարկոսից Ղուկասի ուղղակի կախումնավորության դեմ
- բ.5) Մատթեոսը և Մարկոսը
- բ.6) Եզրակացություն
- գ) Ավետարանների աղբյուրները
- դ) Եզրակացություն
-
- Չորրորդ Ավետարանը հայտնի է եղել Երկրորդ դարի առաջին կեսին
- Չորրորդ Ավետարանի հեղինակը Հովհաննես Առաքյալն է
- Տարակույսներ
- Ա՛յլ առարկություններ
- Լռության առարկությունը
- Մեկ ա՛յլ առարկություն
- Ներքին փաստեր
- Չորրորդ Ավետարանի հեղինակը հրեա է
- Չորրորդ Ավետարանիչն ականատես վկա է
- Չորրորդ Ավետարանի ամբողջականության հարցը
- Չորրորդ Ավետարանի նյութերի հաջորդականության մասին
- Առերևույթ հակասություններ
- Հովհաննես Ավետարանիչը և մյուս երեք Ավետարանները
- Միջավայրի ազդեցությունը չորրորդ Ավետարանի վրա
- Չորրորդ Ավետարանի լեզուն և ոճը
- Որտե՞ղ և ե՞րբ է գրվել չորրորդ Ավետարանը
- Եզրակացություն
-
-
-
-
-
04
-
-
05
-
Եկեղեցական հին մատենագիրները՝ Պապիասը, Իրենեուսը, Կղեմես Ալեքսանդրացին, Որոգինեսը և այլոք, վկայում են, որ առաջին Ավետարանն արամայերեն լեզվով Մատթեոսն է գրել, որից հետո գալիս է Մարկոսը, ով, համաձայն Կղեմես Ալեքսանդրացու, Եվսեբիոսի, Հերոնիմոսի, Եպիփանի, իր Ավետարանը գրել է Պետրոս Առաքյալի կենդանության օրոք։
Եվսեբիոսը, Կղեմես Ալեքսանդրացուն հետևելով, ավելացնում է նաև, որ Պետրոսը Մարկոսի գրած Ավետարանը տեսել է և «հավանելով՝ վավերացրել է դրա ընթերցումը եկեղեցիներում»[1]։
Ա՛յլ մատենագիրների համաձայն՝ Մարկոսն Ավետարանը գրել է Պետրոս և Պողոս Առաքյալների մահվանից հետո։
Պապիասը Հովհաննես Երեցից լսածները գրելով՝ ասում է. Մարկոսը «Տիրոջից [Հիսուսից] անձամբ չլսեց և Նրա հետևորդը չեղավ, այլ՝ Պետրոսի հետ էր շրջում, հետո, ինչպես ասացի, վարդապետության համար էր նշանագրում ... ։ Մարկոսն ինչ որ հիշեց, դրանք էլ գրի առավ»[2]։
Պապիասին է միանում կարծես նաև Իրենեուսը՝ վկայելով, որ Մարկոսը Պետրոսի և Պողոսի մահվանից հետո է իր Ավետարանը գրել։
Որով, Պապիասի և Իրենեուսի համաձայն՝ Մարկոսը 64 թվականից առաջ չի կարող իր Ավետարանը գրած լինել։
Մյուս կողմից, երկրորդ Ավետարանում որևէ ակնարկ չկա Երուսաղեմի կործանման մասին, որ տեղի ունեցել է 70 թվականին հռոմեացիների կողմից։
Հետևաբար այսօր մի շարք մասնագետներ ենթադրում են, որ Մարկոսի Ավետարանն ամենաուշը գրվել է 64-67 թվականների ընթացքում։
