Խաչատուր վարդապետի կյանքն ու գործունեությունը
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Նա ծնվել է Կարինում, 1666 թվականին, Առաքել անունով հոր ընտանիքում: Մանուկ հասակից զգալով ուսման ծարավը, գնացել է Սուրբ Էջմիածին, որն այդ ժամանակ մեր Ազգի մեջ գիտությունների համալսարանն էր, ուր տասը տարի անց գնաց նաև Մխիթարը: Այդ երկու մեծ մտքերն իրենց այդ ուղևորությունից ուրիշ որևէ օգուտ չքաղեցին, քան միայն համոզվելը, որ եթե կամենում էին Ազգին օգտակար մարդ լինել, պետք է ընդարձակեին իրենց մտային հորիզոնները և դուրս գային նեղ շրջանակներից: Խաչատուրն ավելի բարեբախտ գտնվեց, քան Մխիթարը. մինչ ապագա Աբբան մաքառում էր անսիրտ վարժապետների ձեռքում, Խաչատուրն Էջմիածնում հանդիպեց Հռոմի Ուրբանյան վարժարանի երբեմնի աշակերտ Հովնանյան Վարդան վարդապետին, որն իր վարքով ու գիտությամբ շա՜տ էր տարբերվում մյուս աբեղաներից: Խաչատուրի սիրտը կապվեց նրա օրինակին. նրան նմանվելու համար՝ ինքն էլ ուզեց անցնել նրա անցած ճանապարհով: Երբ Հովնանյանը 1682 թվականին Էջմիածնից ուղևորվեց դեպի Հռոմ, տասնվեցամյա եռանդուն Խաչատուրն էլ մեկնեց նրա հետ: Այնտեղ կարողացավ դառնալ Ուրբանյան վարժարանի աշակերտ, ուր իրեն հայազգի մի ընկեր էլ գտնելով, արթուն միտք ունեցող և զգոն մի ա՛յլ պատանի, Ստեփանոս Ռոշքյան անունով, միասին գովելի ջանասիրությամբ և փայլուն քննություններով ավարտեցին ուսման շրջանը, և քահանա ձեռնադրվելով՝ Ռոշքյանը մեկնեց Լեհաստան, իսկ Խաչատուրը՝ որպես առաքելական քարոզիչ ուղարկվեց Պոլիս:
Քարոզչական ասպարեզում Խաչատուր վարդապետի ունեցած հաջողությունը մի բացառիկ երևույթ էր: Նա ուներ քարոզչի ամենակարևոր ձիրքերը. վառվռուն և գրավիչ ոճ, անթերի վարք, աստվածաբանական խնդիրների շուրջ խոր իմացություն. կրոնական սկզբունքները քարոզելու մեջ համարձակ էր և առանց ակնառության, առանց նայելու, թե դիմացինն ո՛վ է, հարուստն ու աղքատը իր համար նույն մակարդակի վրա էին: Ճիշտ այդ ժամանակ էր, որ Մխիթարը, Խաչատուրի համբավից ձգված, գնում էր Պոլիս, որպեսզի նրան հայտներ Միաբանություն հիմնելու իր մտադրությունը: Խաչատուրը բեմի վրա մեծ էր, գիտեր խոսքով տիրել սրտերին, բայց գործնական հարթության վրա չուներ այն ձեռներեց ոգին, միմիայն որով են հաջողություն գտնում մեծամեծ ձեռնարկները: Մխիթարի մտադրությունը նա այն աստիճան անգործադրելի համարեց, որ այն որակեց որպես երիտասարդական աշխույժ մտքի ցնորք, և Մխիթարը, հույսը նրանից էլ կտրելով, նույն ճանապարհով ետ վերադարձավ: Դա տեղի ունեցավ 1697 թվականին:
Մի տարի անց, 1698 թվականին, Խաչատուրը մի պատվաբեր նվիրակություն կատարեց՝ Իննովկենտիոս Տասներկուերորդի կողմից ընծայատար գնալով Սուրբ Էջմիածին, Նահապետ Կաթողիկոսի մոտ, որից, շքեղ ընդունելության հետ միասին, լիազոր իշխանություն ստացավ ամենուր քարոզելու այն նույն ոճով և իշխանությամբ, որով արել էր մինչ այդ ժամանակ: Այդ առիթով առավել ևս մեծացավ Խաչատուր վարդապետի անունը. Պոլիս վերադարձավ մի այնպիսի հեղինակությամբ, որի առաջ գլուխ էր ծռում ամեն մարդ, ամիրաներից ու Պատրիարքներից սկսած, և 1699-1700 տարիներին նույնիսկ Պատրիարքական եկեղեցում համարձակ քարոզում էր կաթողիկե կրոնի վարդապետությունը: Բայց երբ Եփրեմ և Ավետիք Պատրիարքները սկսեցին իրենց հայտնի կամ ծածուկ հալածանքները, Խաչատուր վարդապետը տեսնելով, որ անկարելի էր հոսանքի դեմն առնել, խոհեմություն համարեց առժամանակ լռել: Այդ լռությունը, սակայն, երկար չտևեց. երբ Ավետիքը աքսորվեց, կրկին երևաց Խաչատուրը, նրա ձայնը լսվեց մի քանի տարի ևս: 1707 թվականի մեծ հալածանքը, որին զոհ գնաց Երանելի Տեր Կոմիտասը, ո՛չ միայն ի սպառ լռեցրեց աստվածաբան քարոզչի ձայնը Պոլսում, այլ նաև տարավ նրան ու թողեց Ադրիականի ծովախորշում, Վենետիկ քաղաքում, ուր 1708 թվականին Սուրբ Աթոռի կողմից կարգվեց տեղի Հայերի Առաջնորդ[1]: Մի քանի տարի անց, մի ուրիշ աղետ էլ Մոռեայից քշեց և Վենետիկ տարավ Մխիթարին ու իր Միաբանությունը: Եվ դարձյալ իրար գտան այդ երկու մեծ մարդիկ, մեր Ազգի այն ժամանակվա երկու լուսավոր մտքերը, որոնք սրտով միշտ անբաժան էին եղել իրարից:
1719 թվականին, Խաչատուր վարդապետը Սուրբ Աթոռի հանձնարարությամբ այցի գնալով Տրանսիլվանիա, Մխիթար Աբբային հանձնեց Սուրբ Խաչի ժամապետությունը: Աբբահայրը որպես ժամանակավոր հոգաբարձու և առաջնորդ դրեց Հայր Հովհաննես վարդապետին, եկեղեցուն կից տանը նրան տալով մի խուց, որպեսզի այնտեղ բնակվի և կարողանա հոգալ մարդկանց հոգևոր կարիքները: Մխիթարը, 1719 թվականի Մայիսի 27ին Խաչատուր վարդապետին գրած իր նամակում պատմում է. «Հայոց եկեղեցու տոնը[2] շատ հանդիսավոր և կարգավորյալ կերպով կատարեցինք. և բոլոր տոնական օրերին երկու կամ երեք հոգի լինում ենք եկեղեցում, Ժամերգություններն ենք անում, Պատարագ ենք մատուցում, խոստովանեցնում ենք և քարոզ խոսում»: Որոշ ժամանակ անց, սակայն, ժողովրդի մեջ շփոթություն է ծագում. հավատք ընծայելով ծնունդով տրանսիլվանիացի, հայազգի ոմն Մինաս քահանայի խոսքերին, և կարծելով, թե Խաչատուր վարդապետը Տրանսիլվանիայի Հայոց եպիսկոպոս է ձեռնադրվելու, ժողովրդի մի մասը կամեցավ իրենց Առաջնորդ դնել մի ուրիշ վարդապետի, վախենալով, որ այդ պաշտոնը մշտնջենապես կանցնի Մխիթարի Միաբանության ձեռքը: Մխիթարը, տեսնելով ժողովրդի մեջ տիրող տարաձայնությունները, նամակ գրեց Խաչատուր վարդապետին, որն հնարավորինս շուտով վերադարձավ իր պաշտոնատեղին: Նույնպես 1725 թվականին, Հոբելյանական տարվա առթիվ Հռոմ գնալով, Աբբահորը հանձնեց իր պաշտոնը: Այդ նույն ժամանակներում Հռոմում Միաբանության դեմ դարձյալ մի ամբաստանություն հնչած լինելով, Մխիթարը Խաչատուր վարդապետին հանձնարարեց կարգավորել այդ հարցը և ըստ արդար իրավունքի ջատագովել Միաբանությունը: Նա գնաց, ամբաստանությունների սուտ լինելն ապացուցեց, Մխիթարի անունը Հռոմում պանծացրեց և ետ վերադարձավ: Այդուհետև առավել ևս ամրացավ երկուսի միջև գոյություն ունեցող սիրո ու միության կապը, որը ո՛չ թե բախտի կամ պարագաների զուգադիպությունից, կամ բնավորությունների նմանությունից էր առաջացել, այլ միմիայն կրոնական ըմբռնումների և առաքինի վարքի նմանությունն էր, որ անխզելի կապերով միացրել էր այդ երկու հոգիներին, որոնք այլուստ տարբեր նկարագրեր ունեին: