Մի քանի խնդիրներ են ծագում, որոնց մեջ Մխիթարը հաղթող է հանդիսանում
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Մխիթարի ճակատագիրն էր, կարծես, շարունակ կրելը, տոկալն ու գործելը, երբեք հանգիստ կամ դադար չառնելով: Նորանոր խնդիրներ ծագեցին, որոնց պատճառով կրկին ստիպվեց գոտեմարտի նետվել: Նա գիտեր լռել և տեղի տալ, բայց միայն այն դեպքերում, երբ հարկը կամ պատշաճությունը դա էին պահանջում: Խոնարհությունը երբեք չպետք է շփոթվի նվաստության հետ: Մեծ Սրբերը մեծամեծ տիպարներ են եղել արիության ու վսեմության. նրանք իրավունքի պաշտպանության համար պատրաստ էին մինչև իսկ զոհելու իրենց կյանքը և նրանց հեզ սիրտը վառվում էր արդար զայրույթով՝ ի տես հարստահարված անմեղության: Այդ հոգին ուներ նաև Մխիթարը: Նա, որ չափազանց ներողամիտ էր իր անձի դեմ եղած հակառակությունների ու թշնամանքի նկատմամբ, ինչպես որ հայտնի է իր կյանքի պատմությունից, չէր հանդուրժում Աստծո կամ կրոնի դեմ եղած անարգանքները, ինչպես նաև Միաբանությանը հասցված բարոյական կամ նյութական վնասները: Եվ Մխիթարն ամեն ժամանակ և բոլորի հետ նույն ձևով չէր վարվում. իր մանկական պարզության և անկեղծության հետ մեկտեղ, նա գիտեր նաև խորագետ լինել և ձեռներեց, այնքան, որքան դա թույլատրում էր քրիստոնեական հոգին. մանավանդ երբ գործը խարդախ ու խորամանկ մարդկանց հետ էր, վարվում էր ամենայն զգուշությամբ ու իմաստությամբ, նրանց ծուղակը չընկնելու և իր դեմ ելած արգելքները վերացնելու համար, ինչպես կտեսնենք հետևյալ միջադեպում:
Մեթոնում չորս եկեղեցիներ կային. առաջինը Լատիններինն էր, որ Ֆրանչիսկյան կրոնավորներին էր պատկանում. երկրորդը Քիացիներինն էր, որոնք ազգությամբ հույն էին, բայց կրոնով՝ կաթողիկե. երրորդը մերն էր, իսկ չորրորդը՝ Հույներինը, որոնք առանձին եպիսկոպոս էլ ունեին: Տարվա մի քանի օրերին, Լատին Եկեղեցու սովորության համաձայն, քաղաքի բոլոր քրիստոնյաները, ի՛նչ դավանության էլ պատկանեին, միասին հանդիսավոր թափորի էին դուրս գալիս, ուր առաջին տեղը բռնում էին հենց Լատինները կամ Իտալացիները, որոնց ձեռքին էր երկրի իշխանությունը, իսկ նրանցից հետո, սահմանված կարգով, գալիս էին Քիացիները, Հայերը, աշխարհական եղբայրությունները, և բոլորի վերջում՝ Հույներն իրենց եպիսկոպոսով: Տարիներ ի վեր այս կարգն էր պահվում թափորների ժամանակ: Հույները, որոնք մյուս ազգերից ավելի բազմաթիվ էին և իրականում երկրի բնիկ բնակիչներն էին, և իրենց եպիսկոպոսն էլ ունեին, չէին հանդուրժում, երբ տեսնում էին, թե ինչպես էր իրենց հողի վրա նախապատվությունը տրվում քսան-երեսուն պանդուխտ Հայերին, և սա սաստիկ վիրավորում էր իրենց ինքնասիրությունը: Ուստի Հույնը, խորամանկ հնարամտությամբ, փորձեց դարան լարել Հայի դեմ, բայց չհաջողվեց, քանի որ Հայն իր մրցակցից ո՛չ պակաս հնարագետ, նրա գլխին դարձրեց այդ մեքենայությունը: Հույն եպիսկոպոսը քաղաքապետին էր դիմել, որպեսզի փոխել տար այդ կարգը, որ պատվաբեր չէր իրենց ազգի համար. և տեսնելով, որ պարզ խոսքը արդյունք չէր ունենալու, դրամի օգնությամբ համոզեց քաղաքապետին, որն իսկույն նրա խնդրանքը գրավոր ներկայացրեց երկրի կուսակալ իշխանին, որ նույն ինքը՝ մեզ քաջածանոթ Սեբաստիանո Մոչենիգոն էր: Վերջինս, իր կարևոր գործերով զբաղված լինելով և անտեղյակ հարցի ամբողջ էությանը, հավանություն տվեց քաղաքապետի առաջարկին և համաձայնվեց, որ այդուհետև հանդիսավոր թափորներում Լատիններից անմիջապես հետո գնար Հույների եպիսկոպոսն իր կղերով, և հետո նոր միայն մյուսներն իրենց կարգի համեմատ: Քաղաքապետն ու Հույն եպիսկոպոսը, իրենց տարած հաղթանակի վրա վստահ, իրենց հրովարտակը գաղտնի պահեցին մինչև թափորի օրը, որ չլինի թե որևէ արգելք հարուցվի Մխիթարի կողմից, որի ճարտար և ազդեցիկ կարողությունից իրոք վախենում էին: Բայց իշխանի բժիշկը, որի անունն էր Դոմինիկոս և որ Աբբահոր սերտ բարեկամն էր, այդ ամենն իմանալով՝ պատշաճ համարեց տեղեկացնել Մխիթարին, որպեսզի անհրաժեշտության դեպքում ա՛յլ տեսակ կարգադրություն անի: Աբբահայրն անմիջապես մի նամակ գրեց բժշկին, բացատրելով դրանից առաջ եկող անպատեհությունները, և որ ամենակարևորն էր՝ դրանով կաթողիկե կրոնի նվաստանալը և ժողովրդի մեջ ծնվելիք գայթակղությունը. և խնդրեց բժշկին, որ այս բաները տեղեկացնի իշխանին: Նա, հասկանալով գործի եղելությունը, իսկույն մի նոր հրովարտակ գրեց, որի մեջ բացատրում էր, որ ինքը Լատին ասելով հասկանում է բոլոր կաթողիկե դավանություն ունեցողներին, որոնց մեջ են նաև Հայ կրոնավորները. ուստի պահվելու է թափորի նախկին կարգը, միակ տարբերությամբ, որ աշխարհական եղբայրները գնալու են Հույներից հետո: Բժիշկն աճապարեց թափորից առաջ Աբբահորը հասցնել այդ հրովարտակը, որը նա էլ գաղտնի պահեց: Թափորից մի օր առաջ քաղաքապետը կանչեց Աբբահորը և կարդաց իշխանի հրովարտակը, որի մեջ գրված էր, որ թափորի մեջ Հույները գնալու են Լատիններից անմիջապես հետո: Երբ նա վերջացրեց ընթերցումը, Մխիթարը դուրս հանեց իշխանի երկրորդ հրովարտակը, որով առաջինը կորցնում էր իր ուժը: Քաղաքապետն ապշեց, զայրացավ այդ անակնկալ շրջադարձից, բայց անհաջողությունը մոռացած՝ ստիպված խոնարհվեց բարձրագույն հրամանի առաջ: Հաջորդ օրվա թափորը հաղթանակի շքերթ հանդիսացավ Մխիթարյանների համար և շարժեց բոլորի զարմանքը. ապշած էին մնացել, թե Մխիթարն ինչպես էր իմացել քաղաքապետի և Հույն եպիսկոպոսի միջև եղած ծածուկ մեքենայության մասին և թե ինչպես էր կարճ ժամանակում կարողացել բերել տալ առաջինին հակառակ մի նոր հրովարտակ: Այդ դեպքից հետո բոլորն էլ իմացան, թե որքան աչալուրջ ու հեռատես էր Մխիթարը և թե որքան մեծ ազդեցություն ուներ իշխանի վրա:
Շուտով մի ա՛յլ առիթ ևս ներկայացավ, որ ցույց տվեց Մխիթարի անկոտրում կամքը և իր չվհատվող ոգին: Սկզբում, երբ Մոռեայում Միաբանությանը ձրիաբար շնորհվեցին Գալազոն և Մավրամաթ գյուղերը, երկրաչափները խարդախությամբ շորթել էին այդ գյուղերի ամենաբերրի կտորները և վաճառել էին մի հույնի, այն պայմանով, որ ամեն տարի ութսուն դահեկան մուծի պետության գանձարանին: Աբբահայրը, այդ խարդախությանը անտեղյակ լինելով և չուզենալով, որ օտարները մտնեն մեր սահմաններից ներս, գնեց այդ հողերը, որով իր վրա վերցրեց նաև ամեն տարի տերությանը ութսուն դահեկան տալու պարտականությունը: Բայց հետո, երբ տեղեկացավ կատարված խարդախությանը, բողոքեց ուր հարկավոր էր, բայց որևէ մեկը ուշադրություն չդարձրեց իր բողոքին: Հարկահավաքների անիրավ պահանջից ազատվելու ա՛յլ միջոց չկար, քան դիմել բարձրագույն ատյանին: Այդ նպատակով Վենետիկ ուղարկեց իրեններից մեկին, իտալերենին հմուտ և բանիմաց Հակոբ Բուզայանին, որը դեռ քահանա չէր, որպեսզի նա Միաբանության սերտ բարեկամ, Մոռեայի երբեմնի իշխան Անտոն Նանի սեպուհի ձեռքով մի աղերսագիր պատրաստի՝ ծերակույտին ներկայացնելու համար: Աղերսագիրը պատրաստվեց և ներկայացվեց ծերակույտին, որը քննել տալով խնդիրը և ըստ ամենայնի արդար ու իրավացի գտնելով Մխիթարի բողոքը, ո՛չ միայն ազատեց պարտքերից, այլ նաև այդ բոլոր կալվածքները Միաբանությանը շնորհեց: Բուզայանը, ձեռքն առած ծերակույտի հրովարտակը, ինչպես նաև Վենետիկում բնակվող ազգայինների այլևայլ նվերները, հաջողությամբ վերադարձավ Մեթոն, հուրախություն Աբբահոր և բոլոր միաբանների: