Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Մխիթարը թողեց Մոռեան, և երկու ամիս անց սկսվեց պատերազմը, որ այնքա՜ն աղետաբեր եղավ Վենետիկի Հանրապետության համար: Այդ ժամանակ օսմանցիների գահակալն էր Ահմեդ Երրորդը, իսկ Վենետիկինը՝ Հովհաննես Կոռնարո դոժը: Պատերազմը հայտարարվել էր արդեն նախորդ տարի, 1714 թվականի Դեկտեմբերի 3ին, երբ եպարքոս Դամադ Ալի փաշան Վենետիկի դեսպան Անդրեաս Մեմմոյին բանտարկել էր Աբյուդոս բերդաքաղաքում: 1715 թվականի Մայիսին Դարդանելի նեղուցից դուրս ելավ երեսուներկու մեծ ռազմանավերից կազմված Օսմանյան նավատորմիղը, Ջանըմ Խոջա ծովակալ փաշայի հրամանատարության ներքո. իսկ ցամաքի կողմից դեպի Մոռեա էր առաջանում հարյուր քսան հազար մարտիկներից կազմված ահագին զորաբանակը, երեք գլխավոր զորապետների հրամանատարության ներքո. պատերազմի ընդհանուր կարգադիրը և սպարապետն էր նույն ինքն եպարքոս Ալի փաշան, որն ամբողջ բանակի գլուխ անցած, ուղիղ գնաց Կորնթոսի վրա և պաշարեց այն: Քաղաքացիները երեք ամիս քաջությամբ դիմադրեցին, բայց պաշարներն ի վերջո սպառվեցին: Երբ վերջին անգամ Օսմանյան զորքերը փորձելու էին հարձակվել քաղաքի վրա, վենետիկցի Հակոբ Մինոտտո զորավարը հրամայեց քաղաքի դռները բացել, պայմանով, որ քաղաքացիներին թույլատրելու էին անվնաս դուրս գալ: Բայց հանկարծ հրդեհ սկսվեց քաղաքում և վառոդի ամբարանոցը պայթեց: Օսմանցիները դա քաղաքացիների կողմից իրենց դեմ կազմակերպված դավադրություն համարեցին և կատաղաբար հարձակվեցին քաղաքի վրա, ավարեցին, հափշտակեցին ինչ որ գտան, անխնա ջարդեցին բնակիչներին և քաղաքը հիմնահատակ արեցին: Այս լուրը սարսափեցրեց Եգինե և Արգոս քաղաքների բնակիչներին, որոնք թշնամու առաջ բացեցին քաղաքի դռները և առանց կռվի անձնատուր եղան: Մնում էր տիրել Նեապոլիս քաղաքին, որն իրեն թիկունք ունենալով ժայռոտ, ամուր Պալամիդ դղյակը, անվախ ու անկասկած սպասում էր թշնամու գալստյանը և պատրաստվել էր ամբողջ ուժով դիմադրելու մինչև վերջ: Օսմանցիների ահագին բանակի դեմ ամրոցում կային միայն հազար յոթ հարյուր վենետիկցի զինվոր, որոնք ութ օր դյուցազնորեն դիմադրեցին պաշարողներին, և պաշարումը թերևս շատ երկար կտևեր, և թշնամին վերջ ի վերջո կհուսահատվեր ու ետ կքաշվեր, եթե, ինչպես ոմանք ավանդում են, քաղաքի հույն բնակիչները մատնություն չանեին. և կամ, ինչպես պատմում են ուրիշները, դյուրավառ նյութերի հանկարծակի բորբոքվելուց և պայթելուց չկործանվեր ամրոցի մի կողմը, որտեղից թշնամիները կարողացան ներս խուժել: Ահավոր ջարդ ու ավերածություն եղավ քաղաքում: Օսմանցիները ներսում անբավ հարստություն գտան. զենք, թնդանոթներ, ռումբ, վառոդ և այլն:
Նեապոլսի առումը վհատեցրեց շրջակա բոլոր քաղաքների բնակիչներին. ամենքն իրենց անհրաժեշտ իրերը առած, աճապարում էին ժամ առաջ փախչել: Վենետիկցի իշխանը նոր հրաման արձակեց, թույլատրելով, որ ընտանիքները փախչեն, քանի դեռ օսմանցիների զորքը չէր մոտեցել: Թույլատրեց նաև, որ Մեթոնում մնացած հայ կրոնավորներից երկու հոգի ևս կարողանան գնալ ուր ուզում են: Նրանք որոշեցին, որ Հայր Մանուել և Հայր Թովմաս վարդապետները գնան Վենետիկ, վանքի կահկարասիներից ամենակարևորները հետները տանելով: Բայց նավապետը, տեսնելով, որ ճանապարհորդները շատ բազմաթիվ են, և վախենալով, որ ծանրությունից նավը կարող է ընկղմվել, միայն երկու սնդուկ վերցնելու արտոնություն տվեց, ուստի հազիվ մի քանի ամենակարևոր իրերը կարողացան վերցնել: Այդ երկու վարդապետները Սեպտեմբեր ամսին հասան Վենետիկ և Աբբահորը պատմեցին Նեապոլսի առումը, Մեթոնին սպասվող մոտալուտ վտանգը և Եղբայր Տիրացուի երջանիկ մահը, որ հոգևոր բոլոր պատրաստություններն անելուց հետո հոգին ավանդել էր այդ նույն՝ 1715 թվականի Մարտ ամսին: Երբ այս լուրերն արդեն տխրեցրել էին բոլոր միաբաններին, քիչ անց գույժ հասավ Մեթոնից, թե օսմանցիները տիրեցին բերդաքաղաքին, կործանեցին ու այրեցին տները, վանքերն ու եկեղեցիները, բնակիչներին սրի քաշեցին, իսկ մի մասին էլ գերի տարան: Մինչ Մխիթարն ու իրենները, ցավագին կասկածների մատնված, մտածում էին իրենց ընկերների կացության մասին, մի ուրիշ գույժ ևս հասավ, թե երկու հայ քահանաներ զինվորների կողմից սպանվել են իրենց եկեղեցում: Թեև հետո այդ լուրը հերքվեց, բայց այդ պահին սաստիկ ազդեցություն ունեցավ Աբբահոր վրա: Այդ ծանր զգացումներին գումարվեց նաև Վենետիկի մառախլապատ ու խոնավ օդը[1], և 1716 թվականի Հունվարին շատ ծանր հիվանդություն կրեց, որից մեկ ամիս հետո միայն առողջացավ: Հետևելով պատմության կարգին, համառոտ կերպով նկարագրենք Մեթոնի առումը, որն ականատեսներից լսելով, մանրամասն պատմում է Միաբանությանս առաջին ժամանակագիրը:
[1] Պատմական տեղեկությունների համաձայն, 1715-1716 թվականների միջանկյալ ձմեռը արտասովոր ցուրտ է եղել Վենետիկում, այն աստիճան, որ լճակի ջուրը, թեև աղի է, ամբողջովին սառել է սառույցի հաստ շերտով, այնպես, որ ցամաքի բնակիչները կարողանում էին հետիոտն Վենետիկ գալ: