Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Այդ հեռավոր ժխորներն ու շփոթները երբեք արձագանք չէին գտնում վանքում, ուր ամեն բան առաջ էր ընթանում բարեկարգ ընթացքով և ամեն ոք իրեն հանձնված գործին լծված, ժիր ու եռանդուն աշխուժությամբ քայլում էին դեպի իրենց ընդհանուր նպատակը. անխոնջ և լուսավոր գործիչներ լինելու Ազգի ապագայի համար: Գիտություններն աստիճանաբար զարգանում էին. մեծահասակ աշակերտները, որոնք արդեն ավարտելու մոտ էին փիլիսոփայության դասընթացը, սկսելու էին աստվածաբանության ուսումը, որի համար, սակայն, կանոնավոր դասագրքեր չկային: Մխիթարն այդ դժվարությունների առաջ չվարանեց. ինքը, որ Դպրոցական դրության (Սքոլաստիկայի) օգուտն ու առավելություններն արդեն ըմբռնել էր, իր աշակերտների աստվածաբանական ուսումներին իբրև առաջնորդ ընտրեց Սուրբ Թովմա Աքվինացուն, միջնադարի այդ ամենամեծ ու զորավոր մտածողին, որի լույսը դարեր առաջ արդեն հասել էր մինչև իսկ մեր մայր աշխարհի խորքերը[1], և որի «Բովանդակութիւն աստուածաբանական» կոչված հրաշալի մատյանը Հայր Հովհաննես վարդապետը Հռոմից բերել էր ուրիշ պիտանի գրքերի հետ միասին: Հարկավոր էր նախ ընտելանալ նրա սեղմ ու ամփոփ ոճին, ըմբռնել բոլոր նրբությունները, թափանցել նրա խորություններից ներս, որոնցով նա ճառում է կրոնի ամենաբարձր խնդիրների մասին: Աքվինացու գրությունը թարգմանելու համար կարծես հարկավոր էր մի նոր լեզու ձուլել, մի նոր բառապաշար ստեղծել նորանոր արտահայտություններով ու բառերով: Այդ բոլոր դժվարությունները գծագրվեցին Մխիթարի առաջ, երբ առաջին անգամ հղացավ այդ գեղեցիկ գաղափարը. կշռեց գործի մեծությունը, որին ձեռնարկելուց առաջ թողեց արտաքին զբաղումները և առանձնանալով՝ ամբողջովին տրվեց լատիներենի ուսմանը: Այդ գործում նրա գլխավոր աջակիցը եղավ Հայր Հովհաննես վարդապետը, որը վեց տարի Հռոմում մնալով՝ հիմնովին հմտացել էր լատիներենի մեջ. նա սկսեց թարգմանել Առաջին մասը, որն Աբբահայրը սրբագրելով՝ որքան հնարավոր էր հղկեց լեզվի անհարթությունները և թարգմանությունը դյուրըմբռնելի դարձրեց: Երբ աստվածաբանական խնդիրներից բավական թվով թարգմանվեցին, դրանցից մի քանի նմույշընդօրինակվեցին, որոնց գործածմամբ Մխիթարը սկսեց դասավանդել ավագ աշակերտներին, Աքվինացու թևերով արծվորեն բարձրացնելով նրանց միտքը մինչև երկնային բարձունքները, ուր ճառագայթում է միայն կրոնի աստվածային պայծառ լույսը: Միաժամանակ զարգացնում էր նաև կրտսեր աշակերտների միտքը գիտության զանազան ճյուղերով, նրանց սիրտը կրթում էր բարոյական հրահանգներով, սրում և ճոխացնում էր նրանց իմացական կարողությունները պատմական, չափաբերական և իմաստասիրական ուսումներով: Ազնիվ, ճկուն և ամուր կամքի ու բնավորության տեր անձեր էր պատրաստում, այն ժամանակվա պահանջների համեմատ՝ բոլոր կարևոր գիտելիքներով ճոխացած, կարող և անձնվեր գործիչներ Ազգի համար: Եվ այդ մեծ ու կարևոր գործը ինքն անձամբ էր անում, միայնակ, իր այդքա՜ն զբաղվածության ու սրտամաշ հոգսերի մեջ, այն աստիճան, որ մարդ ապշում է, թե ինչպե՞ս էր բոլոր գործերին հասնում, ինչպե՞ս էր ժամանակ գտնում այդ ամենն անելու համար: Ամեն օր տարբեր առարկաների երեք-չորս դասախոսություն, առանձին կամ հրապարակային խրատներ, աչալուրջ հսկողություն յուրաքանչյուրի վարքին ու գործերին, դասագրքերի պատրաստություն, Միաբանության նյութական կարիքների հոգսը, ամեն բանի դարման, խնամք, մատակարարություն, և այլն. այս ամենն իր վրա էր ծանրանում: Եվ միաժամանակ հսկում էր շինարարության գործերին, առաքելության էր պատրաստում քահանաներին, կարևոր գործերի համար թղթակցում էր Հռոմի, Պոլսի և ուրիշ տեղերի հետ: Միաբանության անդամներից որևէ մեկի դեմ եղած բոլոր ցավերը, զրկանքները, չարախոսություններն ու հալածանքները վերջ ի վերջո իրեն էին դպչում. ինքն էր, որ կրում էր դրանք, մաշվում էր, տառապում, որովհետև որքան արի ու դիմացկուն հոգի ուներ, նույնքան էլ զգայուն սիրտ էր կրում իր կրծքում: Եվ սակայն գտնվում են անձինք, որ ընդդիմախոսում են, թե Մխիթարը գրական ի՞նչ գործ արտադրեց Մեթոնում եղած տարիներին, ի՞նչ օգուտ տվեց Ազգին նրա կողմից հաստատված Միաբանությունն իր գոյության այդ ժամանակաշրջանում: Այդ հարցին պատասխանելուց առաջ հարկավոր է ի նկատի առնել այն հանգամանքները, որոնց մեջ հիմնվեց և ապրեց Մխիթարի Միաբանությունը Մեթոնում:
Երբ նավաբեկության մեջ է և գտնվում է իր կյանքին սպառնացող վտանգի առաջ, մարդն իրեն հանդիպած առաջին իսկ ժայռից կառչում է, անխուսափելի մահից ազատվելու համար: Մխիթարը նույնպես, փոթորիկներից փախչելով, իր և Միաբանության գոյությունն ապահովելու համար գտավ Մեթոն բերդաքաղաքը, որն ավելի դղյակ էր, քան թե քաղաք, Մոռեայի երկրամասի մի ծայրում նետված, աշխարհից գրեթե ամբողջովին մեկուսացած, ծովով շրջապատված, մերթ վենետիկցիների իշխանության տակ անցած և մերթ թուրքերի, դարերով շարունակ կործանվել էր ու կառուցվել, ամայի ու անբնակ դառնալով լքվել, և Մխիթարի այնտեղ հասնելու ժամանակ հազիվ տասը տարի էր, ինչ սկսել էր կրկին շենանալ և բնակչությամբ բազմանալ: Այնտեղ գոյություն չունեին գրադարաններ, վարժարաններ, տպարաններ, որոնք մշակույթի զարգացման անհրաժեշտ պայմաններն են: Արդյոք հնարավո՞ր էր, որ նման պայմաններում, այն էլ մի քանի տարվա ընթացքում, Միաբանությունը կարողանար մշակութային և գրական արժեքներ ստեղծել: Մխիթարն այդ բերդաքաղաքն ընտրեց Մոռեայի մյուս քաղաքներից ավելի ապահով լինելու պատճառով, և որ այնտեղ ապրուստը ավելի էժան էր, հաշվի առնելով իրենց դրամական շատ նեղ վիճակը այդ ժամանակահատվածում. իսկ որ ամենակարևորն է, Արևելքին մոտիկ լինելու պատճառով: Այն տասներկու տարիների ընթացքում, որ Մխիթարը մնաց Մեթոնում, մի տարի անգամ չունեցավ, որ ամբողջովին ազատ լիներ հոգսերից ու տագնապներից: Իսկ անդորրը գրականության ծաղկման առաջին պայմաններից մեկն է: 1711 թվականին հազիվ էր ավարտել վանքի շինությունը, թեթևացել էր պարտքերից, ազատվել էր նյութական հոգսերից ու զբաղմունքներից, և Սուրբ Աթոռի հավանությունն էր ստացել ի հաստատություն Միաբանության, – և այդ հաջողությունները ձեռքբերելու համար քանի՜ կռիվներ ստիպված եղավ մղել ամեն տեսակ արգելքների, դժվարությունների, մարդկային կրքերի դեմ, ինչպիսի՜ ճգնաժամերի միջով անցավ, – երբ ահա չորս տարի հետո, 1715 թվականին, դարձյալ մատնվելու էր միևնույն տառապանքների, օտարության ու չքավորության ձեռքը: Մի՞թե հնարավոր էր այդպիսի պայմաններում, երբ խնդիրը կյանքի ու մահվան վերաբերյալ էր, մտածել գրական արտադրանք հասցնելու մասին: Փոթորիկների մեջ չի պտղաբերում գիտության ծառը:
Հաշվի պետք է առնվի նաև այն հանգամանքը, որ Մխիթարի առաջին աշակերտները, որոնք պիտի լինեին իր գրական աշխատությունների հիմնական աջակիցները, չկարողացան կանոնավոր ուսումնառության նվիրվել, քանի որ արդեն մեծահասակ էին անդամակցել Միաբանությանը. և այդպիսիներից գրական մեծ արդյունք ակնկալելի չէր: Ինչպես բնությունը ոստումներ չի կատարում, այլ՝ տարիների հանդարտ հերթափոխով է հասունացնում մարմինը, նույնն է նաև մտքի պարագայում, առնվազն երբ խոսքը նրա սովորական վիճակի մասին է. աստիճանաբար է մեծանում, հասունանում, զարգանում գիտական ասպարեզում: Հանդուգն թռիչքներ կատարող մտքերը հազվագյուտ երևույթներ են: Մեթոնը այն աշխատանոցը եղավ, ուր ոչ մի տաժանագին ներդրում չխնայվեց՝ մշակելու համար երիտասարդ աշակերտների թարմ մտքերը և նրանց մեջ ցանելու գիտության սերմերը: Բայց հասունանալու և պտուղ տալու համար հարկավոր էր որոշ ժամանակ սպասել, ջերմություն և բարենպաստ պայմաններ ապահովելով: Գրական հղության և երկունքի տարիներ եղան դրանք, որոնց արդյունքները լույս տեսան հետո Վենետիկում, շնորհիվ մամուլի և այն խաղաղավետ օրերի, որոնք ապրելու էին այն կղզյակում, որի անունն է Սուրբ Ղազար:
[1] Տե՛ս Պատմութիւն հին հայկական դպրութեան, Ա. հտր., 1886, էջ 736: