Մխիթարը ժամանակավոր տուն է վարձում Սուրբ Մարտին եկեղեցուն կից
-
01
-
-
02
-
- Մխիթարը հասնում է Էջմիածին – Այն ժամանակվա Նահապետ Կաթողիկոսը – Աչքի սաստիկ ցավ է ունենում
- Մեկնում է Էջմիածնից և նախ Խորվիրապի վանքն այցելելով, ուղևորվում է դեպի Սևանի կղզին և վանքը – Այնտեղ իրեն երևում է Սուրբ Աստվածածինը
- Թողնում է Սևանը և գնում Բասենի վանք, ուր եկեղեցու լուսարար և տղաների դաստիարակ է լինում – Սկսում է քարոզել – Վերադառնում է Սեբաստիա
-
- Սեբաստիա հասնելով, Մխիթարը գնում է Սուրբ Նշան – Նրա ուսումնասիրության ոճը
- Միաբանների առաջ հանպատրաստից քարոզ է խոսում – Մի քանի վարդապետ կրկին փորձում է իր աշակերտության գրավել նրան, բայց չի հաջողում
- Աչքերն հիվանդանում են և ցավում, մինչև իսկ կուրանալու վտանգ ստեղծելով – Մեծ դժվարությամբ բժշկվում է
- Հովնան վարդապետի հետ ուղևորվում է դեպի Հալեպ
-
- Մխիթարը հասնում է Հալեպ, ուր ծանոթանում է Հիսուսյան Հայր Անտոն կրոնավորի հետ – Նա Մխիթարին խորհուրդ է տալիս չգնալ Արևմուտք – Նրանից վկայագրեր է վերցնում և գնում Աղեքսանդրիադ
- Իտալիա գնալու համար նույն նավ է մտնում նաև Սսո Կաթողիկոսը – Նավը հանդիպում է Կիպրոս կղզի – Այնտեղ Մխիթարը ծանր հիվանդանում է
- Կղզում կրած սաստիկ վշտերը
-
- Մխիթարը թողնում է Կիպրոս կղզին և նավում դեպի Սելևկիա
- Հալեպ և Այնթապ գնալով, ուղևորվում է դեպի Սեբաստիա – Ճանապարհին կրած նեղությունները
- Բոլորովին առողջանալով՝ առանձնանում է Սուրբ Նշան վանքում
- Մխիթարի քահանայական ձեռնադրությունը
- Նրա հոգում ծնվում է Միաբանություն հիմնելու գաղափարը – Առաջին աշակերտները
- Գնում է Պոլիս, խնդրելու Կարնեցի Խաչատուր վարդապետի աջակցությունը
- Քարոզում է Ղալաթիայի Սուրբ Գրիգոր Լուսավորիչ եկեղեցում
- Ստիպվում է թողնել Պոլիսը և վերադառնալ գավառները
-
- Դեպի Տրապիզոն նավարկելիս հանդիպում են ուժգին ալեկոծության և ստիպվում են ցամաք դուրս գալ Սամսոնում
- Մարսվան և Ամասիա քաղաքներում
- Հասնելով Կարին, գնում է Կարմիր վանք
- Երկու անգամ ծանր հիվանդանում է
- Վանքի Առաջնորդ Մարգար եպիսկոպոսից ընդունում է վարդապետական գավազանը
- Կարինում կաթողիկե հավատքը քարոզելու պատճառով քաղաքի Առաջնորդը թշնամանում է նրա դեմ
- Վերջնականապես թողնում է գավառները և երկրորդ անգամ վերադառնում Պոլիս
-
03
-
- Մխիթար վարդապետը հասնում է Պոլիս – Նրա առաքելական գործունեությունը
- Հետզհետե աճում է աշակերտների թիվը, որոնցից ոմանց քահանա ձեռնադրել տալով՝ առաքելության է ուղարկում գավառները
- Հրատարակում է մի քանի հոգևոր գիրք – Բերայում տուն է վարձում իր և աշակերտների բնակության համար
- Եփրեմ Պատրիարքի հարուցած հալածանքը – Մխիթարն ապաստանում է Վեղարավորների վանքում
- Որոշում է թողնել Պոլիսը և գնալ Միաբանություն հիմնել քրիստոնյա մի որևէ երկրում
-
- Մխիթարն աշակերտներին առաջարկում է Արևմուտք անցնելու իր մտադրությունը
- 1701 թվականի Սեպտեմբերի 8ին, Սուրբ Աստվածածնի Ծննդյան տոնի օրը, հիմնում է Միաբանությունը և այն նվիրում է Սուրբ Կույսին
- Հաստատված լինելով Մոռեա գնալու մտադրությունը, երկրի մասին տեղեկություն ստանալու նպատակով Մխիթարն այնտեղ է ուղարկում Հայր Գեորգին
- Խաղաղություն հաստատելու փորձեր են կատարվում
- Եփրեմ Պատրիարքին հաջորդում է Ավետիքը – Նրա նենգ հնարքները Մխիթարին ձեռք ձգելու համար
- Մխիթարը նախ թաքնվում է մի բարեկամի տանը, ապա փախչում է Զմյուռնիա
- Վենետիկյան մի նավով մեկնում է դեպի Մոռեա
-
- Մխիթարը, Նեապոլիս հասնելով, Միաբանության բնակության համար ընտրում է Մեթոն բերդաքաղաքը
- Միաբանական կյանքի նկարագրությունը
- Աշակերտներից երկուսին ուղարկում է Հռոմ, Միաբանության համար ստանալու Սուրբ Աթոռի հավանությունը
- Հռոմ են գնում, ճանապարհին կանգ առնելով Վենետիկում – Հռոմում, Վենետիկի դեսպանի առաջնորդությամբ, ներկայանում են Կղեմես ԺԱ Քահանայապետին
- Սկսվում է Միաբանության գործի քննությունը, բայց այլևայլ դժվարությունների պատճառով երկարելով՝ Հայր Եղիա վարդապետը վերադառնում է Մեթոն
-
- Միաբանության մեջ առաջին անգամ մուտք են գործում հիվանդություններն ու մահը
- Մխիթարը ծանր հիվանդանում է և առողջանում հուրախություն բոլորի – Հայր Մանուել վարդապետն առաքելության է ուղարկվում Եվդոկիա
- Մխիթարը, պարտքերի տակ ճնշված, ձեռնարկում է վանատան շինությանը և հաջողությամբ ավարտում է այն
- Միաբանության չափազանց չքավորությունը և տնտեսական անհաջողությունները
- Վենետիկցի իշխանների բարերարությունները – Սկսում և ավարտում է եկեղեցու կառուցումը
-
- Հակառակություններ և զրպարտություններ ընդդեմ Մխիթարի և Միաբանության
- Միաբանության համար ընտրում է Սուրբ Բենեդիկտոսի կանոնը
- Մի քանի խնդիրներ են ծագում, որոնց մեջ Մխիթարը հաղթող է հանդիսանում
- Պոլսում դարձյալ հակառակություններ են սկսվում Միաբանության դեմ և Հայր Եղիա վարդապետը ետ է կանչվում
- Մխիթարը սկսում է Սուրբ Թովմա Աքվինացու գրքի թարգմանությունը և շարունակում է դասախոսել
-
- Մխիթարը տեղեկանում է Օսմանցիների պատերազմական պատրաստություններին ընդդեմ Վենետիկի – Որոշում է Միաբանությունը տեղափոխել Վենետիկ
- Ճամփորդության նախապատրաստությունները
- Մեկնում են Վենետիկ
- Նկարագրություն Վենետիկ քաղաքի և պատմական ակնարկ տեղի Հայ գաղթականության
- Մխիթարը ժամանակավոր տուն է վարձում Սուրբ Մարտին եկեղեցուն կից
-
- Օսմանցիները սկսում են պատերազմը Վենետիկցիների դեմ – Հայր Մանուել և Հայր Թովմաս վարդապետները թողնում են Մեթոնը և գնում Վենետիկ
- Մեթոնի առումը
- Զինվորները հարձակվում են Մխիթարի վանատան վրա, ձերբակալում են այնտեղ եղած մարդկանց և նրանց վաճառում են հայերին – Արևելք են տարվում և փրկանքով ազատվում շնորհիվ Հայր Պողոս և Հայր Գեորգ վարդապետների – Ողջ և առողջ հասնում են Վենետիկ
- Միաբանության կյանքն այդ օրերին
-
- Մխիթարը ծերակույտից քաղաքում վանատեղի է խնդրում – Խնդրանքը օրենքներին հակառակ լինելով՝ չի ընդունվում
- Խնդրում է և իրեն շնորհվում է Սուրբ Ղազար կղզին
- 1717 թվականի Սեպտեմբերի 8ին մտնելով Սուրբ Ղազար, կատարում են ամենաանհրաժեշտ նորոգությունները և 1718 թվականի Ապրիլի վերջին բոլոր միաբանները փոխադրվում են այնտեղ
- Պոլսում այլևայլ կրոնական խնդիրներ են առաջանում և նորանոր ամբաստանություններ են լինում Միաբանության դեմ
-
- Մխիթարը ճանապարհ է ընկնում դեպի Հռոմ – Ճանապարհին այցելում է Լիվոռնոյի Հայերին
- Հռոմ հասնելով, ներկայանում է Ծիրանավորներին և Սրբազան Քահանայապետին
- Տպագրում է իր ջատագովությունը – Միաբանության խնդիրների քննության համար գումարվում է Ծիրանավորների ժողովը
- Աբբահայրը Սուրբ Հակոբ Մծբնացուն վերագրված «Զգօն» գիրքը նվիրում է Սրբազան Քահանայապետին – Սրբազանից նվերներ է ստանում և հաղթանակած վերադառնում է Վենետիկ
-
- Ազգիս ընդհանուր կրոնական խեղճ վիճակը
- Մխիթարի գլխավոր նպատակներից մեկը առաքելությունն էր
- Խնդրագրեր են հասնում ամեն կողմից
- Ինչպե՞ս էին պատրաստվում և առաքվում քարոզիչները
- Ինչպիսի ուսուցումներ էր տալիս Մխիթարն իր աշակերտներին նամակներով
- Մխիթարյանների գործունեությունը Պոլսում
- Մխիթարյան առաքելությունները Հայաստանի գավառներում
- Մխիթարյան առաքելությունը Բելգրադում
- Մխիթարյանները Տրանսիլվանիայում
-
- Սուրբ Ղազարի եկեղեցու նորոգությունը և հիմնական փոփոխությունները
- Խորանների շինությունը
- Սուրբ Հովսեփի խորանը Ավանդատան մեջ – Նորոգություններ եկեղեցու գավիթում
- Եկեղեցու վերանորոգումը հաջորդ Աբբաների օրոք
- Քահանաների բնակությանը սահմանված սենյակների շինությունը
- Նորընծայարանի և Վարժարանի շենքերի կառուցումը
- Սեղանատունը
- Սուրբ Բենեդիկտոսի մատուռը – Գրադարանը, Ձեռագրատունն ու Թանգարանը
- 1740 թվականին ավարտվում է վանքի ամբողջական շինությունը
- Սուրբ Ղազար կղզու ընդարձակումը
-
- Աշակերտների ընտրության պայմանները
- Ուսանող պատանիների զգեստավորումը – Նորընծաների և վարժարանականների առանձին բնակությունն իրենց առանձին դաստիարակներով, ուսուցիչներով և կանոններով
- Նկարագրություն Մխիթարի տված դաստիարակության
- Հոգևոր և ուսումնական կրթությունները
- Սքեմառության և ուխտադրության հանդեսները – Քահանայական Ձեռնադրությունը և վարդապետական գավազանի ստացումը
- Վանական մի քանի սովորություններ և հանգստի պահերը
-
- 04
-
05
-
06
-
-
-
- 1) Հայր Միքայել Չամչյան (1738-1823)
- 2) Հայր Գաբրիել Ավետիքյան (1751-1827)
- 3) Հայր Մկրտիչ Ավգերյան (1762-1854)
- 4) Հայր Մանուել Ջախջախյան (1770-1835)
- 5) Հայր Արսեն Բագրատունի (1790-1866)
- 6) Հայր Պողոս Հովնանյան (1802-1884)
- 7) Հայր Ղևոնդ Հովնանյան (1817-1897)
- 8) Հայր Հովսեփ Գաթըրճյան (1820-1882)
- 9) Հայր Ղևոնդ Ալիշան (1820-1901)
- 10) Հայր Մանուել Քաջունի (1823-1903)
- 11) Հայր Կղեմես Սիպիլյան (1824-1878)
- 12) Հայր Արսեն Այտընյան (1825-1902)
- 13) Հայր Գարեգին Զարբհանալյան (1827-1901)
- 14) Հայր Գրիգորիս Գալեմքյարյան (1862-1917)
- 15) Հայր Գաբրիել Մենևիշյան (1864-1936)
- 16) Հայր Հակոբոս Տաշյան (1866-1933)
- 17) Հայր Արսեն Ղազիկյան (1870-1932)
- 18) Հայր Վարդան Հացունի (1870-1944)
- 19) Հայր Ներսես Ակինյան (1883-1963)
- 20) Հայր Ղևոնդ Տայան (1884-1968)
- 21) Հայր Վահան Հովհաննեսյան (1884-1977)
- 22) Հայր Համազասպ Ոսկյան (1895-1968)
- 23) Հայր Վահան Ինգլիզյան (1897-1968)
- 24) Հայր Մեսրոպ Ճանաշյան (1908-1974)
-
-
-
Տեղի Հայ գաղութի մասին այս համառոտ տեղեկություններով բավարարվելով, իսկ ընդարձակ տեղեկություններ փափաքողներին խորհուրդ տալով ընթերցել Հայր Ղևոնդ Ալիշանի վերոհիշյալ գիրքը, արդ վերադառնանք Մխիթարին և իրեններին, որոնք Ապրիլի սկզբին հասնելով Վենետիկ, ի զգուշություն տարափոխիկ հիվանդությունների, քաղաք մտնելուց առաջ ստիպված եղան քառասուն օր մնալ արգելարանում, ինչպես օրենք էր Արևելքից եկող բոլորի համար: Քաղաքում բնակվող հայազգիները, մանավանդ Մխիթարին ճանաչողները, լսելով նրա գալստյան մասին, այցելում և անհրաժեշտ տեղեկություններ էին տալիսքաղաքի ու ժողովրդի նիստուկացի, ինչպես նաև տեղական սովորությունների, ապրուստի և բնակության հանգամանքների մասին: Այդ հայերից Աբբահոր նկատմամբ ընտանի սիրով ու իր մատուցած ծառայություններով նշանավոր էր Գեորգ անունով մեկը, որ գրեթե ամեն օր այցելում էր նրան և կարծես Միաբանության անդամներից մեկը լիներ, նրա գործերի համար վազում էր ամեն կողմ, հանձն էր առնում ամեն տեսակ չարչարանք: Այդ ժամանակ Վենետիկում էր նաև Աբբահոր սերտ բարեկամ Կարնեցի Խաչատուր վարդապետը, որ Սուրբ Աթոռի կողմից նշանակվել էր Վենետիկում բնակվող հայերի Առաջնորդ և Սուրբ Խաչ եկեղեցու մատրանապետ:
Երբ մոտեցավ արգելարանից դուրս գալու օրը, Մխիթարը Գեորգին հանձնարարեց, որ քաղաքում իրենց համար մի տուն վարձի: Նա գտավ Սուրբ Մարտին եկեղեցուն կից եռահարկ մի տուն, որը միատեղ ապրելու շատ հարմարություններ ուներ. վերնահարկում կային չորս մեծ սենյակ, նույնպես միջին հարկում՝ երեք մեծ սենյակ և մի խոհանոց, այդ յոթ սենյակներն էլ բնակելի էին. իսկ գետնահարկում կային բավական ընդարձակ երեք սենյակ, որ կարող էին գործածվել իբրև փայտանոց, մառան, լվացարան և ա՛յլ տնտեսական կարիքների համար. բակում էլ մի ջրհոր կար, իսկ տարեկան վարձն էլ համեմատաբար չափավոր էր, 73 դահեկան: Տան դրացիները բարեպաշտ ընտանիքներ էին: Մխիթարն ու իրենները, Մայիսի 12ին ելնելով արգելարանից, գնացին վարձած տանը բնակվելու: Հարկ եղավ տունը կահավորել անհրաժեշտ կարասիներով, ինչպես նաև վերափոխել զգեստների, կոշիկների և գլխարկների նյութն ու ձևը, քաղաքի կրոնավորներին ու քահանաներին հարմարվելու համար: Այդ կարևոր ծախսերը անելով, Աբբահոր ունեցած դրամը սպառվեց և ստիպված եղավ ծանոթներից պարտք վերցնել 150 դուկատ: Այդ փոխառությունը, որ այդ պահին անհրաժեշտ էր, քանի որ հազիվ էին ուտելու հաց ճարում, կարծես նորանոր տառապանքների դուռ էր բացելու, հիշեցնելով Մեթոնում անցկացրած տարիները. բայց Մխիթարը շտապեց սկսել իր գործունեությունը, որով վտանգը հեռացավ: Բավական եղավ, որ մի անգամ այցելության գնար իր ծանոթ մի քանի մեծամեծ սեպուհների և ներկայացներ իրենց կացությունը, որպեսզի իսկույն, նրանց ազդեցիկ միջամտության շնորհիվ, Մխիթարի միաբանների առաջ բացվեին քաղաքի հինգ եկեղեցիների դռները և նրանց հնարավորություն տրվեր ամեն օր պատարագելու, այնպես, որ Միաբանության քահանաներից ոչ մեկն առանց Պատարագի ողորմության չմնաց: Այդ դրամը բավարարում էր Միաբանության բոլոր կարիքների համար և հնարավորություն էր տալիս հայթայթելու անհրաժեշտ ապրուստը: Աբբահայրը Կիրակի և տոն օրերին պատարագում էր Սուրբ Մարտին եկեղեցում, իսկ սովորական օրերին՝ ժողովրդապետի տան մեջ գտնվող փոքրիկ մատուռում, որի խորանիկը մինչև ցարդ պահվում է որպես նվիրական հիշատակ մեր Հիմնադրի: Այդ մատուռը մի փոքրիկ պատուհան ուներ, որ նայում էր ճիշտ եկեղեցու ներսը. ավանդվում է, թե Մխիթարն ամեն օր Պատարագ էր տեսնում այդ պատուհանից և այնտեղից էր Աստծուն և Տիրամորն ուղղում իր եռանդուն աղոթքները:
Վենետիկում բնակվող հայերի մեջ կար Նորատունկ անունով պոլսեցի մի բարեպաշտ ու հարուստ վաճառական, որ Աբբահոր մտերիմն ու թղթակիցն էր և շատ անգամներ էր նվերներ արել Միաբանությանը: Երբ Մխիթարը հասավ Վենետիկ, նա արդեն վախճանվել էր. բայց ամեն տարի իր հոգու համար 36 մշտնջենավոր Պատարագ մատուցելու համար Միաբանությանը կտակել էր 100 դուկատ. այդ նեղ օրերին մեծ օժանդակություն եղավ այդ գումարը: Այդուհետև գրեթե ապահովված էր Միաբանության տնտեսական վիճակը, այնպես, որ այլևս չքավորության հոգս չէին ունենալու. և Մխիթարն արդեն ավելի հաճախ էր գրելու և իր քարոզիչներին պատվիրելու, որ ժողովրդից բացարձակապես նվեր և դրամ չընդունեն, որովհետև դրանց կարիքն այլևս չունեին: Ինչպես նաև հարկավոր է հիշել, որ Մխիթարն իր Միաբանությանը որպես անդամ չէր ընդունում նրանց, ովքեր դրամի հանդեպ սաստիկ հակվածություն էին դրսևորում. այդպիսիները կասկածելով, թե կարող էին դժվարությունների հանդիպել, գալիս էին հետները դրամ առած, բայց այդ նույն դրամը ձեռքները ետ էին դառնում: Սա տեսնելու ենք պատմության ընթացքում:
Երբ ամեն բան իր հունի մեջ ընկավ, վերսկսվեցին հոգևոր և ուսումնական դասընթացները, դասախոսություններն ու հավաքները: Մխիթարը, բնավ չհիշելով կրած բոլոր դառնությունները, նվիրվեց գրական ասպարեզին և Վենետիկ հասնելուց հազիվ երկու ամիս անց, Հուլիս ամսին, սկսեց սրբագրել Ալբերտ Մեծի Աստվածաբանության համառոտ թարգմանությունը և լուսաբանել խրթին հատվածերը, համեմատելով լատիներեն բնագրի հետ, և հրատարակեց այն, քանի որ առաջին տպագրությունն արդեն սպառվել էր: Հրատարակության ծախսերին մեծապես ձեռնտու եղավ Սարգիս անունով մի հարուստ հայ, Մխիթար Աբբահոր ծանոթ և բարեկամ Գեորգի որդին: Պոլսից հեռանալուց հետո սա եղավ Մխիթարի առաջին հրատարակությունը: