Սաղմոս 77.1 - Հիշում եմ վաղեմի տարիները

Ա Ա Ա

Կցորդ.		Հաստատուն պահենք մեր հույսի դավանությունը, որովհետև հավատարիմ է Նա, ով խոստացել է (Եբր 10, 23):
կամ.		Եթե մենք անհավատարիմ գտնվենք, Հիսուս Քրիստոսը մնում է հավատարիմ, որովհետև չի կարող հակասել Ինքն Իրեն (հմմտ. 2Տմ 2, 13):
կամ.		Ո՜վ Աստծո գիտության խորություն. քանի՜ցս անհասանելի են քո ճանապարհները (հմմտ. Հռմ 11, 33):

²Աստծուն է ուղղված իմ աղաղակը. «Ես կանչում եմ»,

Աստծուն է ուղղված իմ աղաղակը. «Լսիր ինձ».

³չարիքի օրը ես հարցնում եմ Տիրոջը,

գիշերն, առանց հոգնելու, դեպի Ինքն եմ պարզում իմ ձեռքերը,

հոգիս մերժում է մխիթարությունը:

⁴Հիշում եմ Աստծուն և արտասվում եմ,

խորհրդածում եմ և հոգիս նվաղում է.

⁵Դու աչքերիցս հեռացնում ես քունը,

խռովված եմ և անընդունակ եմ խոսելու:

⁶Ես մտածում եմ երբեմնի օրերի մասին,

հիշում եմ վաղեմի տարիները.

⁷նույն միտքը ինձ վերադառնում է գիշերով,

սիրտս խորհրդածում է, իսկ հոգիս՝ հարցնում.

⁸Տերը մերժում է ընդմի՞շտ,

մի՞թե դադարել է ցույց տալ Իր շնորհը.

⁹Իր սերն ընդմիշտ սպառվե՞լ է,

խափանվե՞լ է Իր խոստումը ապագայի համար:

¹⁰Աստված մոռանո՞ւմ է ողորմություն անել,

Իր բարկության մեջ արգելափակո՞ւմ է Իր սիրտը:

¹¹Ես ասում եմ. «Սա՛ է իմ տվայտանքը,

Բարձրյալի աջը փոխվել է»:

¹²Հիշում եմ Տիրոջ հրաշագործությունները,

մտաբերում եմ մի ժամանակվա սքանչելիքներդ.

¹³կրկին խորհրդածում եմ Քո բոլոր արարքների մասին,

մտովին կրկին քննում եմ միջամտություններդ:

Կայքին օգնելու համար կարող եք դիտել / ունկնդրել այս տեսանյութը։

Շնորհակալություն կանխավ։